انجمنو مہراکہ وا محفل مشاعرہ

مرکزی انجمن ترقی کھوار ݯھترارو کابینو اوچے مجلسِ عاملو اجلاس 14 ستمبرو انوس شاہجہان ہاؤس دینینہ منعقد ہوئے۔ مہراکو صدارتو جناب پروفیسر اسرارالدین صاحب اریر، وا ہمی حضرات شرکت ارینی: پروفیسر ممتاز حسین صاحب، اقبال الدین سحر صاحب، شہزادہ تنویر الملک مرکزی صدر انجمن ترقی کھوار، ڈاکٹر تاج الدین شرر پرووسٹ چترال یونیورسٹی، شہزادہ مبشر الملک، صاحب خانہ شاہجہان صاحب، صادق اللہ صادق صاحب، محمد عرفان عرفان صاحب، پروفیسر بشارت حسین صاحب وا انجمنو جنرل سیکریٹری ظہورالحق دانش۔ تمغۂ امتیاز ڈاکٹر فیضی صاحب طبیعتو خرابیو وجہین بہ نفس نفیس مہراکا شرکت کوریکو نو بیتائے، مگم ٹیلی فونہ مہراکا شریک ہوئے وا اجلاسو ایجنڈان بارا تان رایو اوچے تجاویزان پرائے۔
مہراکار نیسی شامار اچی دینینو ثقافت و ادب دوست خاندانو چشم و چراغ جناب الحاج غازی احمد صاحبو پرخلوص دعوتو سورا لینیک دینینہ ہتوغو نوغ باغہ یعنی غازی گارڈنہ ای پُر رونق محفل مشاعرو اہتمام ہوئے۔ محفل مشاعرو صدارتو جناب پروفیسر اسرارالدین صاحب اریر وا سورچی مینو پروفیسر ممتاز حسین صاحب اسیتائے۔ اعزازی مینو حیثیتہ ڈاکٹر تاج الدین شرر صاحب اوچے پروفیسر بشارت حسین صاحب شریک اسیتانی۔ مشاعرا بیشیرار زیاد نوجوان وا سینئر شعراء شرکت ارینی۔ شریک شاعرانان نام ہمیت شینی: ظہور دانش، علی ظفر، احتشام احتی، حسن بصری ہمراہی، تاج الدین شرر، عنایت اللہ اسیر، مبشرالملک مبشر، شیر بڑانگ خان گداز، جاوید اختر جواد، سعیدالرحمان سیدی، معیز الدین بہرام، افضل اللہ افضل، حفیظ اللہ امین، اقبال الدین سحر، چئیرمین شوکت علی، اسماعیل الرحمان رحمانی، ظریف منور الزمان، راحت کاظمی، سرور سرور، محبوب الحق حقی، محمد عرفان عرفان وا پروفیسر اسرارالدین صاحب۔
مشاعرہ بو خال دیوکو ہوئے، وا چھویو جوش ای اوچے پھتہ ہیہ ݰئیلی محفل پوروزیتائے۔
زیل نیوز میں شائع مضامین اور کمنٹس سے ادارے کا متفق ہونا ضروری نہیں
120710cookie-checkانجمنو مہراکہ وا محفل مشاعرہ

کالم نگار/رپورٹر : زیل نیٹ ورک

http://zealnews.tv/wp-content/uploads/2016/10/favicon-300x300.png
زیل نیٹ ورک چترال کے جانے مانے صحافیوں اور لکھاریوں پر مشتمل ایک ٹیم ہے جو کہ صحافتی میدان میں ایک نمایاں مقام اور نام رکھتے ہیں۔ ان کی ہمیشہ کوشش ہوتی ہے کہ خبر ہمیشہ سچ ہو اور اسلامی نظریہ اور نظریہ پاکستان سے متصادم نہ ہو۔
Share This