بل گیٹس فاونڈیشن کاپاکستان کوانسدادپولیوکیلئے1.08ارب ڈالردینےکااعلان

بل گیٹس فاؤنڈیشن کی جانب سے پاکستان سے پولیو کے خاتمے کیلئے اپنا تعاون جاری رکھنے کا فیصلہ کیا گیاہے جس کی مد میں  1.08 ارب ڈالر فراہم کیے جائیں گے۔

تفصیلات کے مطابق وزیراعظم کے معاون خصوصی برائے صحت ڈاکٹر ظفر مرزا نے ابوظہبی میں بل گیٹس سے ملاقات کی ہے۔ ملاقات کےدوران صحت وعلاج کےمخلتف پروگرامز کے بارے میں بات چیت کی گئی ہے۔

بل گیٹس کاکہناہےکہ ان کی فاؤنڈیشن پاکستان میں انسدادپولیواور دیگر پروگرامز میں تعاون جاری رکھے گی۔

معاون خصوصی برائے صحت نے بل گیٹس کو انسداد پولیوکےپروگراموں کی تفصیلات سے آگاہ کرتے ہوئے بتایا کہ پاکستان تمام پروگرامز پر سو فیصد عمل درآمد کیلئے پرعزم ہے۔

ڈاکٹر ظفر مرزا نے بتایا کہ وزیراعظم عمران خان کی قیادت میں پولیو کے خاتمے اور پاکستان کو پولیو فری بنانے کیلے ایک مربوط اور جامع منصوبہ تشکیل دیا گیا ہے۔

ان کامزیدکہناتھا کہ پاکستان میں انسداد پولیوکیلئے بین الاقوامی ترقیاتی ادارے 2.06 بلین ڈالر اورحکومت پاکستان150 ملین ڈالر فراہم کرے گی۔

اس کے علاوہ انہوں نے پولیو کے خاتمے کیلئے بل گیٹس فاؤنڈیشن کی کوششوں کوسراہا۔

زیل نیوز میں شائع مضامین اور کمنٹس سے ادارے کا متفق ہونا ضروری نہیں
106410cookie-checkبل گیٹس فاونڈیشن کاپاکستان کوانسدادپولیوکیلئے1.08ارب ڈالردینےکااعلان

کالم نگار/رپورٹر : زیل نیٹ ورک

http://zealnews.tv/wp-content/uploads/2016/10/favicon-300x300.png
زیل نیٹ ورک چترال کے جانے مانے صحافیوں اور لکھاریوں پر مشتمل ایک ٹیم ہے جو کہ صحافتی میدان میں ایک نمایاں مقام اور نام رکھتے ہیں۔ ان کی ہمیشہ کوشش ہوتی ہے کہ خبر ہمیشہ سچ ہو اور اسلامی نظریہ اور نظریہ پاکستان سے متصادم نہ ہو۔
Share This