Supreme Court Dam Initiative

گولین میں سیلاب کی وجہ سے چار گاؤں متاثر

گولین(زیل آن لائن) اطلاعات کے مطابق پیر کی صبح گولین گول میں سیلابی ریلوں کی وجہ سے  وادی گولین کے گاؤں بوباکا،اسغور، پائین اورروغیل متاثرہوئے ہیں  ۔ گاؤں بوباکا میں تین گھر، ایک مسجد ،تین مویشی خانےاور دکانیں   سیلاب سے متاثرہوئے ہیں تاہم اب تک کی اطلاعات کے مطابق کوئی جانی نقصان نہیں ہوا ہے۔ سیلاب کی وجہ سے رابطہ سڑکیں  بہ جانے کے ساتھ ساتھ بجلی کے کھمبوں کوبھی نقصان پہنچا ہے۔  حفاظتی پشت ، آب پاشی اور آب نوشی کا نظام  بھی کافی حد تک متاثر ہوا ہے۔

ڈسٹرکٹ ڈیزاسٹر مینجمنٹ یونٹ لوئر چترال  اور ریسکیو 1122کے مطابق گزشتہ رات گولین میں شدید بارش کی وجہ سے سیلاب ریلے آئے جس سے متعدد مقامات پر سڑکیں سیلاب کی نذر ہوچکی ہے۔ خدشہ تھا کہ یہ سیلاب گلیشئر کے پھٹنے(GLOF)کی وجہ سے آیا ہے تاہم متعلقہ ادارے سیلاب کی وجہ شدید بارش بتاتے ہیں۔ ریسکیو1122 اور اسسٹنٹ کمشنر لوئر چترال کی سربراہی میں امدادی ٹیمیں متاثر علاقے کی طرف روانہ ہوئی ہیں۔

زیل نیوز میں شائع مضامین اور کمنٹس سے ادارے کا متفق ہونا ضروری نہیں
118000cookie-checkگولین میں سیلاب کی وجہ سے چار گاؤں متاثر

کالم نگار/رپورٹر : زیل نیٹ ورک

http://zealnews.tv/wp-content/uploads/2016/10/favicon-300x300.png
زیل نیوزڈیسک چترال کے جانے مانے صحافیوں اور لکھاریوں پر مشتمل ایک ٹیم ہے جو کہ صحافتی میدان میں ایک نمایاں مقام اور نام رکھتے ہیں۔ ان کی ہمیشہ کوشش ہوتی ہے کہ خبر ہمیشہ سچ ہو اور اسلامی نظریہ اور نظریہ پاکستان سے متصادم نہ ہو۔
Share This