Supreme Court Dam Initiative

قرآن مجید کی تلاوت کھوار ترجمہ کے ساتھ اب آڈیو میں بھی دستیاب

 کھوار بولنے والوں کے لیے یہ بہت بڑی سعادت مندی کی خبر ہے کہ قرآن مجید فرقان حمید کا مکمل کھوار زبان میں ترجمہ مع تلاوت آڈیو کی صورت میں انٹرنيٹ پر منظر عام پر آ چکا ہے۔ الفجر ٹرسٹ رجسٹرڈ کے زیر اہتمام تلاوت، ترجمہ اور صدابندی کی عظیم سعادت چترال کے قابلِ فخر فرزند، پرائد آف پرفارمنس اور بین الاقوامی طور پر ایوارڈ یافتہ قاری قاری بزرگ شاہ الازہری صاحب نے حاصل کی ہے۔  قاری صاحب کی روح میں اترنے والی آواز کے ساتھ کلام اللہ کی تلاوت اور عام فہم و شستہ ترجمہ اپنی مادری زبان کھوار میں خود بھی سنیے اور گھر گھر سناٸیے۔ قاری صاحب کی یہ عظیم خدمت کھوار کمیونٹی کی قرآن فہمی کے حوالے سے ایک شاندار سنگ میل ثابت ہو گی۔  اللہ تعالیٰ اجر عظیم عطا کرے۔ یاد رہے قرآن مجید کا کھوار ترجمہ قاری بزرگ شاہ الازہری صاحب نے تقریباً دو دہاٸی پہلے کتابی صورت میں کیا تھا۔ اس بار پورے قرآن کی تلاوت کے ساتھ مکمل کھوار ترجمے کی صدا بندی کی سعادت بھی قاری صاحب نے ہی حاصل کی ہے۔ قرآن پاک کی تلاوت کھوار ترجمے کے ساتھ روزانہ 3 بجکر 45 منٹ پر FM-93 ریڈیو پاکستان چترال سے نشر ہوگا۔
گھر گھر قرآن کی تعلیم اپنی مادری زبان میں پہنچاٸیے۔
دیے گٸے لنک میں کلک کرکے آپ تلاوت و ترجمہ سن بھی سکتے ہیں اور ڈاٶنلوڈ بھی کر سکتے ہیں۔
زیل نیوز میں شائع مضامین اور کمنٹس سے ادارے کا متفق ہونا ضروری نہیں
116430cookie-checkقرآن مجید کی تلاوت کھوار ترجمہ کے ساتھ اب آڈیو میں بھی دستیاب

کالم نگار/رپورٹر : ظہور الحق دانش

Share This