اے سی سی ایمرجنگ کپ: پاکستان نے سیمی فائنل میں بھارت کو شکست دے دی

ایشین کرکٹ کونسل (اے سی سی)ایمرجنگ کپ کے سیمی فائنل میں پاکستان نے بھارت کو 3رنز سے شکست دے کر فائنل کے لیے کوالیفائی کرلیا۔

تفصیلات کے مطابق بنگلہ دیشی دارالحکومت ڈھاکہ میں کھیلے گئے اے سی سی ایمرجنگ کے پہلے سیمی فائنل میں پاکستان نے ٹاس جیت کر پہلے بیٹنگ کا فیصلہ کیا۔

پاکستانی اوپنرز کے 90 رنز کے ایک اچھے آغاز کے باعث ٹیم مقررہ 50 اوورز میں 7 وکٹوں کے نقصان پر 267 رنز بنانے میں کامیاب رہی۔

پاکستانی بلے بازوں میں عمیر یوسف 66،سیف بدر47، حیدر علی 43اور کپتان روحیل نذیر 35 رنز بناکر نمایاں رہے۔

بھارت کی جانب سے شیوم ماوی،دوبےاور شوکین نے 2،2 جبکہ دیسائی نے ایک وکٹ حاصل کی۔

268 رنز کے تعاقب میں بھارتی ٹیم مقررہ 50 اوورز میں سنویر سنگھ کے 76 رنز کی اننگز کے باوجود8 وکٹوں کے نقصان پر 264 رنز بناسکی۔

سنویر سنگھ کے علاوہ بھارتی کپتان شرتھ47اور ارمان جعفر 46 رنز بناکر نمایاں رہے۔

پاکستان کی جانب سے محمد حسنین اور سیف بدر نے 2،2 جبکہ عماد بٹ اور عمر خان نے ایک ایک وکٹ حاصل کی۔

واضح رہے کہ اے سی سی ایمرجنگ کپ کا دوسرا سیمی فائنل کل افغانستان اور بنگلہ دیش کی ٹیموں کے درمیان کھیلا جائے گا۔

زیل نیوز میں شائع مضامین اور کمنٹس سے ادارے کا متفق ہونا ضروری نہیں
106500cookie-checkاے سی سی ایمرجنگ کپ: پاکستان نے سیمی فائنل میں بھارت کو شکست دے دی

کالم نگار/رپورٹر : زیل نیٹ ورک

http://zealnews.tv/wp-content/uploads/2016/10/favicon-300x300.png
زیل نیٹ ورک چترال کے جانے مانے صحافیوں اور لکھاریوں پر مشتمل ایک ٹیم ہے جو کہ صحافتی میدان میں ایک نمایاں مقام اور نام رکھتے ہیں۔ ان کی ہمیشہ کوشش ہوتی ہے کہ خبر ہمیشہ سچ ہو اور اسلامی نظریہ اور نظریہ پاکستان سے متصادم نہ ہو۔
Share This