جامعہ چترال کے  طلبہ میں  وزیراعظم فیس ری ایمبارسمنٹ چیک تقسیم

چترال (زیل نمائندہ) یونیورسٹی آف چترال میں وزیراعظم پاکستان Fee Reimbursement Chequesتقسیم کرنے کے حوالے سے ایک تقریب کا انعقاد کیا گیا۔  تقریب کے مہمان خصوصی اکاؤٹنٹ جنرل خیبر پختونخوا عبدالحمید پاشا تھے۔  انہوں نے جامعہ کے طلبہ میں وزیراعظم پاکستان فیس ری  ایمبارسمنٹ چیک تقسیم کرنے کے بعد اپنے خطاب میں کہا کہ معیاری تعلیم کے حصول میں جامعہ کو کوئی دقیقہ فرو گزاشت نہیں کرناچاہیے اور طلبہ بھی وقت کی اہمیت و افادیت کو سمجھتے ہوئے اپنی پڑھائی پر خصوصی توجہ دیں۔  عبدالحمید پاشا نے اپنے تجربات کی روشنی میں مقابلے کے امتحان کی تیاری بارے طلبہ سے خصوصی گفتگو کی۔  انہوں نےجیوسیاسی منظر نامہ کے حوالے سے جامع گفتگو کرنے کے ساتھ ساتھ  فرقہ واریت ،انتہا پسندی اور دوسرے عوامل جو ملی یگانگت کے لیے خطرناک ہیں  تفصیل سے گفتگو کی۔ اس موقع پر جامعہ چترال کے پراجیکٹ ڈائرکٹر ڈاکٹر بادشاہ منیر بخاری اور فیکیلٹی کے دوسرے ممبران موجود تھے۔

زیل نیوز میں شائع مضامین اور کمنٹس سے ادارے کا متفق ہونا ضروری نہیں
102490cookie-checkجامعہ چترال کے  طلبہ میں  وزیراعظم فیس ری ایمبارسمنٹ چیک تقسیم

کالم نگار/رپورٹر : زیل نیٹ ورک

http://zealnews.tv/wp-content/uploads/2016/10/favicon-300x300.png
زیل نیوزڈیسک چترال کے جانے مانے صحافیوں اور لکھاریوں پر مشتمل ایک ٹیم ہے جو کہ صحافتی میدان میں ایک نمایاں مقام اور نام رکھتے ہیں۔ ان کی ہمیشہ کوشش ہوتی ہے کہ خبر ہمیشہ سچ ہو اور اسلامی نظریہ اور نظریہ پاکستان سے متصادم نہ ہو۔
Share This