اپر چترال مٹھائی اینڈ بیکری ایسوسی ایشن کا قیام ، محمد رحیم خان صدر نامزد

بونی (زیل نمائندہ )اپر چترال میں مٹھائی اور  بیکری کے کاروبار سے منسلک افراد کا ایک اہم اجلاس بونی میں منعقد ہوا جس میں اس کاروبار سے متعلق مسائل کو حل کرنے کے حوالےسے تفصیلی گفتگو ہوئی  ۔ پروگرام میں اپر چترال کے کونے کونے سے بیکری کے کاروبار سے منسلک افراد نے شرکت کی جس میں  میٹنگ میں اپر  چترال بیکری  ایسوسی ایشن کا قیام عمل میں لایا گیا ۔ محمد رحیم خان کو ایسوسی ایشن کا پہلا صدر نامزد  کیا گیا جبکہ موڑکہو سے تعلق رکھنے والے غلام کو نائب صدر،  ظفر احمد جنرل سیکرٹری ، عبدالرحمان جوائنٹ سیکرٹری ،نور الدین فائنانس سیکرٹری اور محبوب علی انفارمیشن سیکرٹری نامزد  ہوئے ۔ میٹنگ کے اختتام پر ایک قرارد اد پاس کرتے ہوئے ضلعی انتظامیہ سے مطالبہ کیا گیا کہ ہے مذکورہ نامزد کابینہ ضلع اپر چترال مٹھائی اینڈ بیکری ایسوسی کے نمائندے ہیں اور آئندہ انتظامیہ مذکورہ یونین کے صدر اور اس کی کابینہ سے رابطہ میں رہ کر عوام کو اچھی سروس دینے میں ان کی معاونت کریں ۔

میٹنگ میں  یہ بھی فیصلہ ہوا کہ اپر چترال مٹھائی اور بیکری ایسوسی ایشن ضلعی انتظامیہ اور بونی تجار یونین کے ساتھ مل کر کاروباری طبقے کے مسائل اور مشکلات کو حل کرنے میں اپنا بھر پور کردار ادا کرتے رہیں گے ۔  اجلاس کے بعد صدر اپر چترال مٹھائی اینڈ بیکری ایسوسی ایشن محمد رحیم خان کابینہ کے ہمراہ ہمارے نمائندے کو انٹرویو دیتے ہوئے کہا کہ علاقے میں بہترین معیار کی مٹھائی اور بیکریز کی فراہمی ان کی اولین ترجیح ہوگی ۔ انہوں نے کہا کہ  بہت جلد تمام قانونی اور آئینی لوازمات کو مکمل کرکے اس ایسوسی ایشن کوسرکار کے ساتھ بھی رجسٹرڈ بھی کیا جائے گا۔

زیل نیوز میں شائع مضامین اور کمنٹس سے ادارے کا متفق ہونا ضروری نہیں
102290cookie-checkاپر چترال مٹھائی اینڈ بیکری ایسوسی ایشن کا قیام ، محمد رحیم خان صدر نامزد

کالم نگار/رپورٹر : کریم اللہ

Share This